Ahora he descubierto
Mi deseo de trazar una lápida en el pecho
(Aquí descansa en paz después de haber enterrado su ultimo fantasma)


الآن و بعد أن أريتُكم نفسي ؛
بي رغبةٌ في رسمِ شاهِدِ قبرٍ على صدري
( هنا يرقدُ في سلامٍ بعد أن دفنَ آخِرَ أشباهِهِ )

Now that I have uncovered myself;
My desire to draw a Gravestone on my chest
(Here rests in peace after he buried last fellows)

My Great Web page

السبت، 12 يوليو، 2008

سندريلا

كل سنة و انتوا طيبين !

في الأول هستأذنكم أدخل أشرب كباية شاي و سيجارة بهدوء ؛ جوايا و لوحدي لو سمحتم !
هتكلم مع نفسي عن شخصيات عشرية جدا ( طبعا هيكون ممكن تتصنتوا عليا من فتحات الأبواب أو تستنوا لما تتفرجوا على نزيف صوتي بيتسرسب من تحت عقب البوابة الحديد الكبيرة )

* * *

1- بابا نويل

دي الشخصية اللي كان نفسي ألعبها أكتر لولا إن الدب الأكبر جمع كل ملابس سانتا كلوز عشان يوزعها على الدببة الأصغر مع مخالي قنابل نووية و خرايط لمناطق الشر :
- انت هيروشيما و نجازاكي
- و انت الشرق الأوسط


لما كل السانتا كلوز يرجعوله خيبانين هيعرف إن فيه باب نويل بني ادمين حقيقيين لكن أصغر حجما من السانتا كلوز و هدومهم دايبة قربوا خالص من بعض و عملوا حزام ألغام بطول محيط الشرق الأوسط و انفجروا
و مع ان أشلاء البابا نويل مش نووية إلا أنها كافية لإفزاع السانتا كلوز !


* * *
2- سـنــدريـــلا :


و هاتجيلك جري
جميلة جدا
لياقة معطفها فرو
و معطفها أحمر جدا و قديم
و شعرها الأشقر زي الشمس بيرفرف حواليها زي السحابة ؛
هتقف قدامك بالظبط تسند صوابعها على صدرك فتشوف دمعة عينيها و ابتسامة شفايفها و تسمعها :
- انا اسفة ما قدرتش اكمل ماكياجي لأن الدب الأكبر خطف الميك-أب مع بابا و ماما
. . .
الكلام عن شخصيات زي دي بيسحبني لطقس عشري جدا فاكلمك عن الشتا
الشتا موسم انتشا الشعراء و اكتمال ثمرة الأنوثة و أوان الري 
شفايف البنت تنقط شهد و الولد عطشان
الشتا موسم تزاوج البني آدمين
في الشتا بنحس الشاي دافي نتكلم من جوانا
ننام جنب بعض
ننام جوه بعض
نتمدد على راحتنا
و نكتب بعضنا في هدوء
. . .
الشتا الربيع الحقيقي !


* * *
3- الماريونيت

صوابع أمريكا بتحركنا بتحريك حكامنا كخيوط دايبة و بهتانة للعبة العشرية
تقدر تقول إن صوابعها بتحرك مؤخرات حكامنا و صوابع حكامنا بتحرك مؤخراتنا فنرقص راب و بريك
. . .


2002

هناك تعليقان (2):

mescrap يقول...

majhood 9ayim wassil

Akhn-Aton يقول...

أهلا بك و أشكرك يا صديقي

بحث هذه المدونة الإلكترونية